نظرية فى خلق البشرية

نظرية فى خلق البشرية

طبعا لما العيال تكبر وتبدأ تسال وتكون الاسئلة صعبة شوية طبعا الاباء لازم تجاوب صح واجابة مقنعة ..

وبحكىان بنت سألت أبوها قولى يا ابى كيف ظهرت الانسانيه واتخلقت الناس ؟؟

الاب : شوفى يابنيتى الله خلق آدم و حواء وعرفوا بعض زمان وما كان فى غيرهم فى الارض وخلفوا عيال حلوة زيك

كدة وكانوا فى الجنة وبعد دة سابوها وجم هنا على الارض وعاشوا احسن عيشة ..

وهكذا بدأت الانسانيه وخلق الناس العيال كبرت واتجوزت وخلفت عيال تانى ..

بعد يومين ::

راحت البنت لامها فى المطبخ سألت امها نفس السؤال .

قوليلى يا ماما كيف ظهرت الانسانيه واتخلقت الناس ؟؟

والظاهر ان امها كانت مثقفة شوية ..

قالت الأم : قبل سنين بعيده قوى زمان كانو الناس على شكل قرود وشكلهم وحش قوى وتطورا على مر السنين

لغاية شكل الانسان وبقوا بنى ادمين ..

وهكذا ظهرت الانسانيه وعرفت الناس بعضها وحصل حب وجواز وخلفوا عيال ..

البنت اعصبت واتعفرتت وراحت لابوها وقالت له يا ابى انت بتقول لي ان الله خلق

آدم وحواء وجابوا اطفال وظهرت الانسانيه

وامي تقول ان الانسان اصله قرد وبعدين تطور واتغير شكلة ؟

فى اية يابابا اصدق مين فيكم !!!

قالها ابوها دى بسيطة قوى وسهلة انا كلمتك عن اهلى انا واصلهم الطيب الكويس ..

ووطى صوتة شوية وقال ::

بس امك الله يحفظها ويبعد شرها عنى كلمتك عن أهلها واصلهم اللى كانوا قرود ..

بس قفلى على الموضوع واوعى تقولى لامك لحسن بكرة ما تلاقينى !!!