حتى ابليس مش عاجباة العيشه فى مصر

على باب سفارة كندا.. لمحت إبليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا إبليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده..

مافيش فايدة

شر البليه ما يضحك

هههههههههههههههه
والله طلع ابليس ابن حلال
لكن مكبر الموضوع شويه
موضوع جميل ورائع
مشكور اخى النهر الخالد
دائما متميز دمت لنا بكل حب واحترام
تقبل مرورى

مرورك زاد الموضوع قيمه يا اختنا اشراقه

اشكرك بكل معاني الشكر والتقدير
انك مميز فعلا ومواضيعك مميزه كم هي رائعه ومعبره دمت ودام قلمك
هنيئا لمنتدي غير حياتك هذا القلم